Anoesjka oppie plaas – deel 3

Die wat nog nie van Anoesjka gelees het nie, ek het die eerste keer HIER van Anoesjka en die plaas vertel en toe weer DEEL 2 ook bygevoeg.

Ons sou oorspronklik gaan kuier het met ons verlof, maar ander dinge het voorgeval. Terwyl ek met verlof was, stuur Anoesjka toe die volgende nuus aan.

mookie-skapie.jpg

Vandag is ‘Doomsday’… ons gaan ons eerste skapie slag vanoggend. Dis maar vir my baie erg om daaraan te dink, maar dit is seker nou maar boerdery. Dit is heerlik koel vanoggend. Jaco is al 5-uur weg om te gaan turksvye pluk (yummie!). Daar is niks so lekker soos ‘n yskoue stroopsoet turksvy op ‘n warm somersdag nie. En praat van warm… gister was dit WARM! Tussen 35 en 38 grade. Die hitte maak mens pap. Dis mos nou nie so maklik om hier net ‘n knoppie te druk vir die ‘air-con’ of waaier nie. Selfs gisteraand was dit warm met nie ‘n luggie wat roer nie – dan sukkel mens om jou lê te kry.

Moenie dink jy kan saans iets probeer doen nie… as dit donker word moet jy ook maar so gou as moontlik gaan inkruip (om enige ligte te vermy), anders takel die muskiete en motte jou. Maar wat, ons kom nooit regtig vroeg in die bed nie – daar is net altyd nog iets wat gedoen moet word.

Nou die aand het ek vir die eerste keer ‘n jakkals hoor roep… dit gee mens regtig koue rillings. So ‘n paar aande gelede het ons ook ‘n uil gehoor – sommer hier by die huis. Die naggeluide bly maar mooi, al is dit soms bietjie ‘scary’.

Ons het intussen twee nuwe toevoegings tot die familie gekry. Eintlik was hulle reeds deel van die familie, maar hulle het op die buurplaas gebly… my Mookie se ma (Moomama) en haar yslike groot suster (het nog nie naam nie). Dit is nou vir jou twee wilde koeie! Om een of ander rede (ons dink dit was oor die bul) wou hulle net eenvoudig nie hier bly nie. Sodra Jaco hulle gaan haal (met baie moeite) dan hardloop hulle net weer terug – spring sommer oor die drade. Op die einde van die dag moes hy maar vir Moomama aan ‘n tou vasmaak. Dit was nou groot pret om die affere te aanskou! Hulle was later 4 mans wat net met die koei sukkel. So een of twee drukke met die ‘prodder’ (shame) het darem ook wondere verrig.

Ek is seker ons het die gulsigste ganse! As die waenhuisdeur oopgaan, is hulle daar… met hul nekke so laaank uitgestrek en hul bekke oop. Dan soek hulle mielies (hulle kry net twee keer op ‘n dag mielies). Die arme hoenders staan nie ‘n kans nie – hulle word sommer weggejaag. Ek lag lekker as die ganse ‘n bietjie bene en vlerke rek… al vier staan langs mekaar en begin ewe skielik net te hardloop en vlerke klap met ‘n groot geraas – probeer seker kyk wie kan eerste opstyg.

Verder wag ons net in spanning dat ons kuikens moet begin uitbroei – die tyd moet nou amper verby wees. Hoop net nie die honde dink dis nou ‘n lekker happie vir hulle nie. Wag, daar kom die son nou op…. daar is net mooi niks so mooi soos ‘n sonopkoms of -ondergang hier in die Karoo nie. Elke keer lyk dit anders en elke keer is dit asemrowend. En o ja, moenie van die maan vergeet nie – veral nie as dit volmaan is en hy soos ‘n groot rooi bal op die horison verskyn nie.

……. Ek skryf nou verder waar ek ‘n paar dae gelede opgehou het en toe nooit die mail gestuur het nie. Ons kuikens het nou begin uitbroei, ek stuur ‘n foto saam. Ons het 10 eiers onder die hennetjie gehad (4 van haar eie en dan 6 Buff Oppington eiers wat ons by die buurplaas se hen gekry het). Almal behalwe een het uitgebroei – hy het begin pik aan die dop maar was dood voor hy heeltemal uitgebroei het. Nou het ons egter ‘n ander krisis.

kuikens2.jpg

Die hen weet wraggies presies watter kuikens is haar eie en watter is nie! Sy wil die ander kuikens sommer doodpik en het enetjie van hulle nou al lelik vermink voor ons dit agtergekom het. Sy koppie lyk baie sleg en hy is taamlik swak – weet nie of hy dit gaan maak nie, maar ons probeer ons bes om hom deur te haal. Die 4 ander “vreemde” kuikens hou ons ook eenkant, maar hulle lyk heel goed. Die beseerde enetjie voer ons nou met pap en water. Hy piep omtrent! Ons is nie seker of hy eens kan sien nie, want albei ogies lyk beseer. Sê maar asseblief ‘n gebedjie op vir my beseerde kuiken.

kuikens3.jpg

Hier steek darem nou so ‘n bietjie donderweer op. Hopelik kom reën dit om darem net die aarde hier ‘n bietjie af te koel. Turksvygroete! Anoesjka

Intussen het Anoesjka verlede Dinsdagnag met die bus afgekom Kaap toe, want sy moes iemand hier by die kantoor kom opleiding gee om een van haar baie groot projekte oor te neem, sodat daar darem meer as een persoon is wat weet wat aangaan. So sy kuier / werk nou al ‘n week hier, maar môre verlaat sy ons weer vir haar vreedsame lewe op die plaas.

Die beseerde kuikentjie is toe ‘n paar dae later dood, sommer so in haar hand en ongelukkig het die honde ook een van die kuikens beetgekry en die arme kuiken het nie oorleef nie. Hulle het ook toe meer as ‘n duim reën gekry op die plaas.

Dalk kan ek vanaand in haar rooi wieletjie tas wegkruip en saam teruggaan plaas toe!

Advertisements

4 Responses

  1. ooooooooh die plaas lewe klink sooooo lekker,ek gaan n plaas koop,ek gaan met kombuis tafels boer,tjoe!ek gaan lekker geld maak.

  2. Trust Anne om nou hier uit die lug te kom neermoer met ‘n snaakse idee!

    Lekker storie, ai, eendag skryf ek vir jou ook van my plaasstoep af.

  3. Ek ook Skoor.

    Pragtig Sonkind, die beste foto vir my nog was daardie een van die honde agter op die bakkie in deel 2!

  4. […] ek nog my blog by WordPress gehad het, het ek hier en weer hier en laastens nog hier van Anoesjka op die plaas […]

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

%d bloggers like this: