Wat is jou Proustiaanse beskuitjie?

Wie was Proust en waar pas die beskuitjie in die storie?

proust.jpg

Marcel Proust was ‘n Franse skrywer, meesal bekend vir sy boek “In Search of Lost Time”. Die Proust Madeleine verskynsel is nou al amper so bekend soos Newton se appel. ‘n Man eet ‘n beskuitjie (Madeleine beskuitjie) saam met sy tee en die smaak roep skielik ‘n vloedgolf van herinneringe by hom op, soveel so dat hy ‘n boek daaroor skryf.

So, nou vra ek vandag – watter reuk, smaak, klank of voorwerp laat ‘n kasdeur in jou kop oopgaan en ‘n wêreld se herinneringe uittuimel?

Die reuk van varsgesnyde gras ruik altyd vir my soos waatlemoen en dit neem my onmiddellik terug na Sondagskoolpieknieks.

Oggendmis het ‘n reuk en dit laat my onthou van skool toe ry met my fiets, in die mis, en die klam reuk wat aan my skoolbaadjie bly kleef het.

Varsgebakte brood – ek ruik dit deesdae so min, maar daardie reuk plaas my binne sekondes terug in my vriendin Nicolene se ma se kombuis. Sy kon die lekkerste brood in die wêreld bak, en die korsie was altyd myne. Met botter en appelkooskonfyt, so op die louwarm brood.

Minder aangenaam – die sulfur reuk as ek soms by Caltex se raffinadery verby ry – dit plaas my vierkantig terug in my jare in Secunda en dan is ek elke keer diep dankbaar ek is terug in die Kaap. Dis ‘n reuk wat my nou nog elke keer tussen die oë slaan – ‘n “ek wil nie hierdie onthou nie”- reuk.

So, wat is jou Madeleine beskuitjie?

Touch my soul …

Eye Candy

Sorry boys – hierdie een is vir die girls. Ek weet die rugby is nou verby en alles, maar kyk mag mens mos maar kyk!

rugby3.jpg

Wonder wat beteken daai woorde van daai tattoo?

rugby1.jpg

Man of the match!

 rugby2.jpg

SJOE!!!

Hoe goed is jou motor?

So ‘n rukkie terug het ek vertel wat ek doen om my daaglikse brood te verdien. Boer in Ballingskap het genoem dat hy nogal die stats van voertuie sou wou sien. Soos hoeveel foute uit ‘n 100 elke tipe voertuig het.

Wel, ons het pas die resultate bekendgestel en dit is ook aan die pers vrygestel. Vir die van julle wat belangstel, hier is al die wenners in die verskillende afdelings. En die wat meer wil lees, ek sit ‘n paar ‘links’ onderaan.

Passenger Category Awards
1st – Best Local Plant Manufacturing Passenger Cars : Mercedes-Benz
1st – Best Luxury Car Brand Overall : Jaguar and BMW (tie)
1st – Best Volume Passenger Car Brand Overall: Honda

Light Commercial Vehicle Category Awards
1st – Best One Ton Petrol Light Commercial Vehicle Overall : Toyota and Isuzu (tie)
1st – Best One Ton Diesel Light Commercial Vehicle : Isuzu
1st – Best Local Plant Manufacturing Light Commercial Vehicles : Toyota, Opel and Isuzu (tie)
1st – Best Overall Light Commercial Vehicle Brand : Isuzu

Passenger Car Segment Awards
1st – Entry : Ford Ka
1st – Small Hatch : Chevrolet Aveo 5-door
1st – Small Sedan : Toyota Yaris
1st – Top Hatch : Honda Civic hatch
1st – Top Sedan : Honda Civic, Volkswagen Jetta and Mazda 3 (tie)
1st – Medium : Mercedes-Benz C-Class Petrol, Mercedes-Benz C-Class Diesel & Toyota Avensis (tie)
1st – Top Executive : Mercedes-Benz S-Class
1st – Sports Coupé : BMW 3 Series Coupe / Cabriolet
1st – MPV / Station Wagon : Toyota Avanza
1st – Small Recreational Vehicle : Honda CRV
1st – Large Recreational Vehicle : Toyota Prado

Light Commercial Vehicle Segment Awards
1st – Half Ton : Opel Corsa Utility
1st – Petrol Single Cab : Toyota Hilux Small
1st – Large Petrol Single Cab : Nissan Hardbody, Isuzu KB and Toyota Hilux (tie)
1st – Diesel Single Cab : Isuzu KB and Toyota Landcruiser (tie)
1st – Petrol Double Cab segment : Toyota Hilux
1st – Diesel Double Cab : Nissan Navara and Isuzu KB (tie)

To see the second and third place holders, plus all the rest of the rankings go to

http://www.synovate.co.za/qualityawards/

http://www.synovate.com/southafrica/

http://www.synovate.co.za/qualityawards/pqoct2007.html

So, waar “rank” jou motor?

Somer, son en saffier

Lanklaas REGTIG hier geskryf, soos in sommer net uit die hart uit geskryf. Maar nou ja, hoe gaan daai liedjie – “al die eksamens is nou klaar!”

Die afgelope weke was dit leer, leer en leer en eintlik het ek in elk geval nog steeds te min geleer en hopelik sal ek darem deurskraap aan my broek se gat. Van skooldag af het ek hierdie teensin in leer gehad, het net altyd baie mooi geluister in die klas en dan so ‘n deurnag swot gedoen die dag voor die eksamen. Het darem nooit iets gedop nie, ook seker net aan my beskermengele (en ‘n paar breinselle) te danke!

Maar nou is hierdie jaar se eksamens verby, vir my in elk geval. Die wat nog skryf, sterkte. En moenie eers die dag voor die tyd begin leer nie – ha ha ha! Net so ter afsluiting hiervan, vandag was Percy Sledge en Peter Tosh en Nina Simone deel van my eksamenvraestel – so ek wonder – wie de F stel deesdae eksamenvraestelle op?

Elk geval, nou kom die somer en die son en die lekkerste deel van die jaar. Hierdie tyd van die jaar is altyd vir my die heel heel lekkerste. Vroeg soggens is dit lig en die duiwe koer in die bome. Dis maklik om op te staan en ek wals deur die huis en sit die musiek “full blast” aan. In die verkeer is minder suur gesigte en mense ry nog soms met hulle ruite afgedraai hier in die Kaap en mens hoor musiek uit die motors kom. Nie daai doef-doef musiek van taxi’s nie, sommer net lekker musiek.

By die werk is die lippe nie so dik en so lank nie en as ons huis toe gaan, skyn die son nog. Dis LANG somersaande. Somtyds, na aandete, ry ons Blouberg toe en gaan loop op die strand, sien hoe sak die son. Gaan drink na die tyd ‘cocktails’ by een van die plekke langs die see. Een van my gunsteling plekke is Doodles.

 Sunset

Een van die dae sal die GP-karre begin instroom, maar dis ook lekker. Dis ander gesigte, ander mense. Naweke is die strande vol en mense loop langs die see met roomyse, met seewater druppels wat op sommige lywe blink. En daar is die reuk van somer, son en saffier in die lug. En ‘n gevoel van welbehae!

Mag hierdie somer ook draal, soos daai vaag bekende deuntjie uit die baie ou verhaal!

Sondag “Hangover”!

Voel ons SO na die oorwinnings “parties” gisteraand!

1 Korinthiërs 13

Kies mens altyd vir wie jy lief word? Of kies die liefde jou soms? En word mens soms lief vir iemand vir wie jy dalk in ander omstandighede nooit sou lief geword het nie?

Hoe maklik sê ons vir iemand – “ek is lief vir jou.” En as en wanneer ons hierdie woorde sê, weet ons altyd regtig WAT ons sê en wat is verbonde aan daardie woorde?

Vir ons almal, wat dalk vergeet het hoe die liefde EINTLIK behoort te wees:

1 Korinthiërs 13

1. Nou wys ek julle wat nog die allerbeste is: Al praat ek die tale van mense en engele, maar ek het geen liefde nie, het ek ‘n stuk klinkende metaal, ‘n galmende simbaal geword.

2. Al het ek die gawe van profesie en ken ek al die geheimenisse en besit ek al die kennis, en al het ek al die geloof om berge te versit, maar ek het geen liefde nie, dan is ek niks.

3. Al deel ek al wat ek het aan ander uit, en al gee ek my liggaam prys om my daarop te kan beroem, maar ek het geen liefde nie, baat dit my niks.

4. Die liefde is geduldig, die liefde is vriendelik; dit is nie afgunstig nie, is nie grootpraterig nie, is nie verwaand nie.

5. Dit handel nie onwelvoeglik nie, soek nie sy eie belang nie, is nie liggeraak nie, hou nie boek van die kwaad nie.

6. Dit verbly hom nie oor onreg nie, maar verheug hom oor die waarheid.

7. Dit bedek alles, glo alles, hoop alles, verdra alles.

8. Die liefde vergaan nooit nie, maar die gawe van profesie sal verdwyn, die gawe om ongewone tale en klanke te gebruik, sal ophou, en dié van kennis sal uitgedien raak.

9. Want ons ken maar gedeeltelik, en ons profeteer maar gedeeltelik,

10. maar wanneer die volledige kom, sal wat gedeeltelik is, uitgedien wees.

11. Toe ek ‘n kind was, het ek gepraat soos ‘n kind, gedink soos ‘n kind, geredeneer soos ‘n kind. Maar noudat ek ‘n man is, is ek klaar met die dinge van ‘n kind.

12. Nou kyk ons nog in ‘n dowwe spieël en sien ‘n raaiselagtige beeld, maar eendag sal ons alles sien soos dit werklik is. Nou ken ek net gedeeltelik, maar eendag sal ek ten volle ken soos God my ten volle ken.

13. En nou: geloof, hoop en liefde bly, hierdie drie. En die grootste hiervan is die liefde!