Selfmoord

Ja, vir seker ‘n morbiede onderwerp, maar ek het die afgelope tyd te veel gehoor van mense wat selfmoord gepleeg het. Iemand se kind wat selfmoord gepleeg het. En dit het my binne geslaan.

Ek weet hoe dit voel as jou kind by die rand van die dood gaan omdraai, maar ek is dit gespaar om te weet hoe dit voel as jou kind dood is, regtig weg om nooit weer terug te kom nie. Hoe voel dit om willens en wetens jou eie lewe te neem?

Die antwoord aan my: “Daar, toe ek gedink het dis nou verby, het daar ‘n groot vrede oor my kom lê. Ek WOU gaan, dis AL wat ek op daardie oomblik wou hê. Ek wou nie meer deel van hierdie lewe wees nie. En toe ek besef ek is nog steeds hier, lewendig, was ek kwaad. Woedend.”

Selfmoord is uniek aan die mens. Alhoewel dit soms lyk asof diere, soos bv walvisse, selfmoord pleeg deur op die strand uit te swem, is dit nie ‘n wilsbesluit van die walvisse nie, eerder ‘n verskynsel wat biologies verklaar kan word. Selfmoord is ‘n KEUSE, en daarom kan jy net van selfmoord praat by mense.

Statistieke oor selfmoord is nie algemeen verkrygbaar nie, maar daar is blykbaar ongeveer ’n miljoen selfmoorde per jaar in die wêreld, m.a.w. een in elke 40 sekondes. En selfmoord het met 60% toegeneem in die laaste 45 jaar. In Suid-Afrika pleeg ongeveer 17 uit elke 100 000 mense selfmoord.

En vir elke selfmoord is daar ongeveer 20 pogings tot selfmoord. Tot soveel as 50% van mense wat uiteindelik selfmoord pleeg, het vantevore reeds pogings daartoe aangewend. Daar is meer vroue wat selfmoord probeer pleeg as mans, alhoewel meer mans as vroue “suksesvol” is.

Een persoon se selfmoord kan honderde mense se lewens beïnvloed. Niemand leef vir homself en niemand sterf vir homself nie, al wil ons dit soms graag glo.

Selfs in die Bybel is daar selfmoord gevalle. Die bekendste is dié van Simson. En dan was daar koning Saul, wat eerder selfmoord gepleeg het as om deur die vyand gevang te word. In die geval van Masáda het 960 Jode eerder selfmoord gepleeg het as om slawe van die Romeine te word. Judas het uit desperaatheid en dalk ook berou selfmoord gepleeg.

Met elke selfmoord vra mens jouself af WAT het bygedra om daardie mens tot by dié punt te bring om hierdie onherroeplike daad te pleeg. ‘n Daad wat heeltemal indruis teen die mens se sterkste basiese drang, die drang na oorlewing

In meer as 90% gevalle is depressie die oorsaak van dié daad. Daar kan ook psigiese of geestesversteurings wees en die invloed van drank en ander dwelmmiddels kan ook ’n rol speel. Ekonomiese en sosiale faktore kan ook die oorsaak wees. Sosiale en ekonomiese faktore kan ook ’n faktor wees.

Soms pleeg mense selfmoord omdat hulle in die greep van ’n ongeneeslike of vernederende siekte verkeer het.

Selfmoord is nie kieskeurig nie. Dit kom onder elke groepering van die samelewing voor. In tronke, by beroemdes, by armes, in rykmanshuise, by bejaardes, onder kinders.

Die voorkoms van depressie onder veral kinders en jongmense, het oor die laaste paar jaar kommerwekkende afmetings aangeneem. Kinders onder 11 jaar besef nie altyd dat selfmoord ’n onomkeerbare daad is nie. Soms sien hulle dit net as ‘n vorm van ontvlugting. Soms is dit ’n manier om iemand, bv. ’n ouer, te straf omdat hulle kwaad voel, maar hulle het geen benul van die volle uiteinde van die daad nie.

Die vraag wat sonder uitsondering deur die familie van iemand wat selfmoord gepleeg het, gevra word, is: “Wat gebeur met iemand wat selfmoord pleeg? Is so ’n persoon verlore?”

Ek glo DIT vir geen oomblik nie. Meeste mense pleeg selfmoord as gevolg van die donker nag van depressie. Iemand wat nie die swart nag van depressie ken nie, kan dit nooit werklik verstaan nie. Dit regverdig nie selfmoord nie, maar dit bring wel ‘n mate van begrip. Vir die mens in die greep van depressie het die dood meer verkieslik as die lewe geword.

Wat kan ’n mens oor selfmoord sê? Is dit verkeerd? Ja.

Is so iemand swak? Ja en nee. Ek dink dit moet ook ‘n ander mate van moed vat om jou hand aan jou eie lewe te slaan.

Is dit ‘n selfsugtige daad? Ja. Beide jou lewe en jou dood raak ander mense.

Selfmoord is vir die persoon in daardie toestand die enigste oplossing vir sy/haar probleem. Maar vir hulle wat agterbly, die persone naaste aan die oorledene, skep dit meer probleme en smart as wat hulle dalk sal kan dra en oneindige skuldgevoelens.

Selfmoord is moord – op jouself. Is dit ‘n onvergeeflike sonde? Nee, dit glo ek nooit nie! Geen mens kan weet wat in iemand se sterwensoomblikke gebeur nie. Ek glo die Here se genade is groter as dit.

Selfmoord is NOOIT ‘n opsie nie, en om iemand so te verloor is sekerlik die swaarste swaar. Ek dink mens leer om met so iets saam te lewe, soos ‘n ledemaat wat jy verloor het, maar niks is daarna ooit weer dieselfde nie.

Advertisements

Realiteits TV

Ek het ‘n BAIE sterk vermoede, eintlik ‘n oorweldigende sterk vermoede, dat ek die manne met die inspuitings en wit jasse gaan nodig he as ek nog een keer, NET nog EEN keer verby die televisie loop en in die mense van Big Brother moet vaskyk.

Hoekom, hoekom kyk mense realiteits TV? After all, is televisie nie juis gemaak om mens te help ONTSNAP van die sleur en die realiteit van die alledaagse lewe nie? Of sit ek iewers die pot heeltemal mis? Is storieboek mense nie gewoonlik meer interessant as die ou langsaan nie? Blykbaar en heel duidelik, NEE.

In die begin was daar seker nog mense wat gevra het hoekom kyk ons “reality TV”, tot hulle self begin kyk het en heeltemal ge”hook” of “obsessed” geraak het daarmee.

Verlede jaar het ek myself kom kry, heeltemal verslaaf aan Survivor SA, ook darem deels meer oor die halsbandjie as die hondjie, want daai aanbieder was / is SOOOO sexy! Ek het dit hierdie jaar oorweeg en dalk sal ek dit regtig volgende jaar probeer, om self Survivor te gaan speel. En ek sal seker weer hierdie jaar kyk ook. Nee, wees eerlik! Ek SAL hierdie jaar weer kyk.

Maar intussen irriteer Big Brother die heilige wit waks uit my uit. En moenie vir my vertel ek moet die kanaal verander nie, want hier, in my huis, is mense wat dit kyk en NIE gaan dink ek is oulik as ek die kanaal verander nie, veral aangesien ek nou ook nie juis iets anders het wat ek wil kyk nie!

So, dis nou Big Brother en dis Survivor.

Dan is daar nog Amazing Race, waarvan ek heeltemal niks weet nie, want ek sien geen doel daarin om te kyk hoe mense oor die aardbol heen rondhardloop nie. 

En Fear Factor. Dis om van naar te word. Ek kan nie eers suur melk weggooi sonder om tot sterwens toe naar te word, of muwwe brood of sulke goed nie. So, hoekom in de hel sal ek myself straf deur te kyk hoe eet mense die walglike goed wat hulle daar moet eet? Ek sal permanent naar wees en bly. En ek is vir ‘n spinnekop of enige ding met meer as vier bene so bang dat ek kan dood, banger amper as om ge”mug” te word. So vir wat sal ek myself willens en wetens tussen die krioelende goeters begewe of kyk hoe ander mense dit doen. Ek gril myself in ‘n ander dimensie in!

Laastens, maar nie die minste nie, Idols. O hel, somtyds dink ek dit sou beter gewees het om bordkryt so skreeuend oor ‘n swartbord te gaan trek as om na party van daai te luister. Kan hulle ons nie maar die oorpyn spaar en net hier van amper die einde af laat kyk en luister nie, waar daar darem nou al mense is wat REGTIG KAN sing?

Maar nou ja, dit is wat die massas wil he, so gee vir die massas wat hulle wil he, dan lag die vervaardigers al die pad bank toe.  Gee maar vir my net Survivor, al maak dit my dan nou ook maar op die ou einde een van die massas / malles.

Maar kan iemand asseblief net vir my laat weet hoe kry ek dit reg om net NOOIT weer die TV raak te sien as Big Brother op is nie? Groot asseblief, ek sal jou betaal!

Some interesting World Records

Arranging A Deck Of Cards – Fastest Time
Kunihiko Terada (Japan) arranged a shuffled deck of cards in order (Ace through Ten, Jack, Queen, King for Diamonds, Clubs, Hearts and Spades), in his hands only, in 40.36 sec at the Hard Rock Cafe, Tokyo, Japan on January 25, 2004.

Most Cards Memorized
British mindbender Dominic O’Brien memorized on a single sighting a random sequence of 54 separate packs of cards all shuffled together (2,808 playing cards) at the basement bar of Simpson’s-In-The-Strand, London, UK, on May 1, 2002.

It took Dominic 11 hours 42 minutes to memorize the 54 packs, and reciting them in the exact sequence took 3 hours 30 minutes. Guinness World Record rules allow only 0.5% margin of error (so no more than 14 errors), and memory-man Dominic completed the record with just eight errors – four mistakes and four prompted corrections.

Most Escapes From Handcuffs
Since 1954, England’s Nick Janson, a professional escapologist from Benfleet, Essex, has escaped from 1,680 pairs of handcuffs securely locked on his wrists by genuine police officers.

Highest Jump by an Insect
The highest recorded jump by an insect is 70 cm (28 in) by the froghopper (Philaenus spumarius). When it jumps, the insect accelerates at 13,000 ft (4,000 m) per second and overcomes a G-force of more than 414 times its own body weight.

Loudest Insect
The loudest insect is the African cicada (Brevisana brevis) that produces a calling song with a mean sound pressure level of 106.7 decibels at a distance of 50 cm (19.6 in). Cicada songs play a vital role in communication and reproduction. A male cicada produces loud buzzing or shrilling sounds by vibrating drum-like membranes near the base of the abdomen. The African cicada creates the most intense sound of all the 1,500 different species on the planet. Males of each genus have three very different calling songs – a congregational sound responding to daily weather fluctuations and the songs of other males, a courtship song to attract a mate (giving larger males a competitive advantage in sexual selection), and a disturbance squawk used when threatened.

Most Mosquitoes Killed
The most mosquitoes killed in five minutes is 21, by Henri Pellonpää at the 1995 World Mosquito Killing Championship, in Pelkosenniemi, Finland.

Longest hair
The world’s longest documented hair belongs to Xie Qiuping (China) at 5.627 m (18 ft 5.54 in) when measured on 8 May 2004. She has been growing her hair since 1973 from the age of 13.

Tallest Tribe
The tallest major tribe in the world is the Tutsi (also known as the Watussi) tribe of Rwanda and Burundi, Central Africa, whose young adult males average 1.83 m (6 ft). The Tutsi are found mainly in Rwanda and Burundi.

Two steps behind you!

Ek is hier en more aand is ek nie meer hier nie

‘Hier’ is Johannesburg. En ek is hier omdat ek hier MOET wees, nie omdat ek wil nie. Verstaan my asseblief nie verkeerd nie. Ek het geen probleem met die mense hier nie en ek dink selfs hulle is ver beter bestuurders as ons Kapenaars. Maar hierdie is NIE my plek nie. Ek is heeltemal ontwortel.

Ek is hier vir werk, maar gelukkig is ek more aand hierdie tyd ampertjies terug op Kaapse grond. Daar is net iets in my lyf wat nie reg werk sonder die berg en die see nie.

Kyk, ek is absoluut mal oor vlieg. Daar is vir my iets orgasmies aan die versnel van die vliegtuig in daardie oomblikke net voordat jy opstyg en dan die opstyg self. Daardie geweldige spoed en dan die aarde wat wegval onder jou, met elke bietjie hoer styg, die dip wat jou maag vang. Dis iets waarvoor ek nooit moeg sal word nie. Dalk is dit die kind in my wat nooit sal toelaat dat ek daardie verwondering van vlieg verloor nie.

En gisteraand, die wegdraai oor die see, met Tafelberg in sy wolkkleed, wat amper lyk asof ‘n atoombom daar geval het, die skepe op die oop see en Robbeneiland, afge-ets op die water. Toe, daar, sou ek kon, sou ek maklik kon uitklim en teruggaan. want toe dit wegraak, toe trek hierdie hart van my sulke kougomdrade.

En dit was ‘n bumpy ride, al die pad. Amper soos ‘n ou bus oor ‘n sinkplaatpad. En selfs dit sit my nie af van vlieg nie. Maar toe ons begin sak, en ek sien die see van liggies, en ek weet – hier is ek in Johannesburg – toe kom le die klip in my maag.  En toe ek afklim, toe ruik ek Johannesburg. Want die stad het sy eie reuk. En die klip gaan le nog bietjie dieper.

My dag self het goed geloop, bo verwagting goed, en more weet ek gaan ook reg wees. Maar die regste van more gaan wees dat ek weer kan huis toe gaan. En more aand, omtrent hierdie tyd, as die vliegtuig sy draai gaan gooi en inkom om te land, en  ek sien die berg, dan sal ek weet – ek is okay, ek is by die huis.

Julle is almal moerse nice hier met my, maar dis nie my huis nie. My huis is daar ver!

Brain Freeze op Plattekloof Heuwel!

As ek hierdie ding nie uit my gestel uit gaan skryf nie, gaan ek vanaand iewers iemand aanrand.

Ek ry huis toe en dit reën en ek is HAASTIG. Ek kom van die stad se kant af en ek kom by Plattekloof heuwel. Toe ek nog so aankom, sien ek al ‘n ry rooi remligte. En ek dink – hel, wat nou. ‘n Ongeluk? Ek’s ook nie verbaas nie, want die paaie is nat en party mense ry asof hulle water op die brein het.

En hoe nader ek aan die heuwel kom, hoe stadiger ry almal, selfs dié in die vinnige baan. En ons kruip kruip so oor die heuwel. En ek soek die motorwrakke, die ambulanse, die 911’s. En raai wat? Niks nie! Nee, geen moerse ongeluk nie – maar net die gewone Brain Freeze wat die bestuurders op die heuwel kry. En ek onthou, toe ek nog elke dag van dié kant af werk toe gery het, het dit my soggens uit my klere uit frustreer.

Wat, WAT, maak dat almal net voor die heuwel “Brain Freeze” kry? Word hulle vir daai paar minute oorgeneem deur zombies of WTF! Dan moet die arme kar homself teen sy eie revolusies bult op trek en sodra die anderkant in sig is, verlaat die zombie die menslyf en kom die bestuurder weer by en RY actually verder?

Ek verstaan dit nie, ek gaan dit nooit verstaan nie. Asseblief mense, die pad is aan die een kant van die bult presies dieselfde as aan die anderkant. Dis ‘n nasionale pad, dit loop net in EEN rigting. Daar kan nie iets oor die bult van voor af aankom nie, ek belowe julle. Daar kruip ook nie iets weg anderkant die bult wat net wag vir jou om oor te kom sodat hy/sy/dit jou kan bespring en opvreet nie.

Ry net normaal voort, teen jou normale spoed, asseblief, verkieslik iets soos 120 km per uur, veral as jy in die vinnige baan is. Sodat ek nie binnekort in Valkenburg beland as gevolg van padwoede nie!

Dankie.

Crash! Boom! Bang!